Чајот од камилица, особено во комбинација со мед, е исклучително ефикасен за многу здравствени проблеми и има бројни придобивки за нашето здравје.
Но, никогаш не го давајте на бебе пред да се консултирате со педијатар, а има и некои други групи на луѓе кои треба да бидат внимателни.
Во кои услови помага чајот од камилица?
Овој пијалок, кој се користи уште од античко време, го смирува иритираното грло и помага во намалување на кашлањето. Кај хемороидите до израз доаѓаат антивоспалителните својства на камилицата. Некои ја нарекуваат камилицата „женско“ растение бидејќи е благо и може да се користи и за надворешна и за внатрешна нега на интимната регија.
Тоа е корисно за смирување и канализирање на стресот, што помага во регулирање на нивото на крвниот притисок и намалување на анксиозноста. Чајот од камилица е добар за варење и спречување на запек, како и дијареа (важно е да се консумира само умерено). Камилицата добро делува и за смирување на уринарните инфекции.
Дали чајот од камилица е безбеден за давање на бебиња?
Иако многумина им даваат на бебињата чај од камилица, тој не се препорачува без претходно да се консултирате со педијатар. Доколку лекарот се согласи со неговата употреба и даде препорака, чајот од камилица за бебиња може да ја ги намали симптомите на настинка. Сепак, камилицата може да содржи спори на ботулизам, а бебињата и доенчињата не можат соодветно да реагираат на овој тип на инфекција, бидејќи сè уште немаат стабилен имунолошки систем.
Кои луѓе треба да избегнуваат чај од камилица или да го консумираат со претпазливост?
Следниве групи на луѓе треба да внимаваат на употребата на чај од камилица:
-луѓе со тешки алергии
-луѓе алергични на ајдучка трева, невен, маргаритка или хризантема (некои студии потврдија дека камилицата може да предизвика дури и анафилактичен шок кај нив)
-луѓе со историја на дури и благи алергиски реакции на камилица или сродни растенија
-пациенти кои земаат средства за разредување на крвта за време на бременоста (некои студии велат дека честото консумирање чај од камилица може да го зголеми ризикот од предвремено породување или спонтан абортус, па затоа се препорачува избегнување)
Можни се симптоми на анафилактичен шок поради употребата на камилица
Анафилаксата е тешка алергиска реакција и потенцијално опасна по живот состојба. Симптомите се развиваат ненадејно и може да вклучуваат:
отекување на лицето или устата
брзо, плитко дишење
нарушено (забрзано) чукање на срцето
зголемено потење и лепливост на кожата
конфузија или анксиозност
вртоглавица
гадење
повраќање
сини или бели усни
несвестица или губење на свеста
