Москва покрена обвинение против шест Данци за учество како странски платеници во војната меѓу Русија и Украина, соопшти вчера руската амбасада во Данска.
Обвиненијата дојдоа откако руските власти спроведоа истрага за регрутирање и учество на странски платеници, а на Данците им се заканува затворска казна до 15 години според кривичниот законик на Руската Федерација, соопшти амбасадата.
Амбасадата соопшти дека во војната меѓу Русија и Украина се регистрирани 20 Данци, додавајќи дека контактирале и со данското Министерство за надворешни работи.
Данското Министерство за надворешни работи не беше веднаш достапно за коментар.
