Во извештајот на ОН објавен денеска, се нагласува дека ситуацијата со човековите права на окупираниот Западен Брег брзо се влошува и го повикаа Израел „да стави крај на незаконските убиства“ на палестинското население.
„Употребата на воени тактики и оружје во контекст на спроведување на законот, употребата на непотребна или непропорционална сила и спроведувањето на широки, произволни и дискриминаторски ограничувања на движењето што ги засегаат Палестинците се крајно вознемирувачки“, наведе во изјавата шефот за права на ОН, Волкер Турк.
Во новиот извештај објавен од неговата канцеларија се вели дека смртта на 300 Палестинци на Западниот Брег, вклучувајќи го и Источен Ерусалим, била потврдена помеѓу 7 октомври и 27 декември, а меѓу нив имало и 79 деца.
Од 300 палестински смртни случаи, 291 се убиени од израелските безбедносни сили и осум од еврејски доселеници. Се уште не е јасно кој е одговорен за едно убиство, соопшти агенцијата на ОН.
