Двајца британски скијачи загинаа од лавина во францускиот ски-центар Сен Жерве кај Мон Блан на Алпите додека биле надвор од патеката, соопшти денеска британското Министерство за надворешни работи.
Според извештаите, се работи за 54-годишна жена и нејзиниот 22-годишен син, се додава во соопштението.
Во одвоен инцидент на друго место, кој бил последица на истата лавина на Мон Блан, бил повреден и инструктор за скијање, а загинал маж кој се движел по планината.
Лавина ечеше низ областа надвор од скијачката зона во зимскиот центар Сен Жерве-ле-Бен во вторникот на надморска височина од околу 2.300 метри, објави управата на регионот Горна Савоа.
Не е познато што ја предизвикало лавината, а десетици планински спасувачи трагаат по луѓето кои биле погодени. Во меѓувреме пронашле мртов маж, мртва жена и едно повредено лице, а пет лица се спасени, се додава во соопштението на управата.
Градоначалникот на Сен Жерве, Жан Марк Пеје изјави дека временските услови се нестабилни за ризични потфати надвор од обележаните патеки.
-Врнеше, паѓаше снег, беше топло. Има доволно обележани патеки за скијање. Тоа што се случи е страшно. „Едно семејство е збришано, а ние сме многу тажни во Сен Жерве“, рече Пеје.
Северно оттаму, 31-годишен маж загинал откако паднал од падина откако се исклучил од пешачка патека за да погледне во стадо добиток, рекоа спасувачите.
