Јапонија ја погоди уште еден силен земјотрес, јавува јапонскиот ХНК, а пренесува Гардијан.
Овојпат, земјотресот погоди различен регион во споредба со потресите што се случија утринава, но беше исто толку силен – околу 7 степени според Рихтеровата скала.
Засега нема повеќе информации.
Претходно денеска, земјотрес со прелиминарна јачина од 7,6 степени според Рихтеровата скала го погоди западниот дел на Јапонија, поради што Јапонската метеоролошка агенција издаде предупредување за цунами долж западните крајбрежни области на префектурите Ишикава, Ниигата и Тојама.
Се верува дека цунами со бранови високи до 5 метри ќе стигне до Ното во префектурата Ишикава, според метеоролошката агенција. Бранови високи повеќе од еден метар го погодија брегот на градот Ваџима во префектурата Ишикава, објави NHK.
Повеќе од 50 земјотреси денеска ја погодија Јапонија, покажуваат податоците на тамошната метеоролошка агенција. Земјотресите започнаа во 7 часот и 10 минути по локално време, а беа со магнитуда од 3,1 до 7,6 степени според Рихтеровата скала. Епицентарот на повеќето земјотреси бил во близина на Ното во Ишикава.
Најмалку 30 згради досега се урнаа во Ишикава, соопшти локалната противпожарна служба во градот Ваџима.
Претходно, главниот секретар на кабинетот Јошимаса Хајаши изјави дека некои згради се урнале и дека голем број луѓе се заробени внатре
