Четири бебиња загинаа во пожар во породилиштето само неколку часа по раѓањето.
Во доцните ноќни часови се случи трагедија во Баку, главниот град на Азербејџан.
На снимката се гледа како пожарникарите брзаат во собите зафатени со пламен внатре и ги изнесуваат бебињата од одделот за новороденчиња.
„Пронајдени се телата на четири деца кои се лекуваа во неонаталната интензивна нега на Центарот“, се вели во заедничкото соопштение на Јавното обвинителство и Министерството за здравство и медицина.
Уште три лица се хоспитализирани поради труење со чад, но нивната состојба е стабилна.
Вкупно 26 бебиња се евакуирани од породилното одделение, јавија локалните медиуми.
Претставници на Министерството подоцна потврдија дека пожарот во Републичкиот перинатален центар во главниот град е изгаснат и дека пациентите и посетителите се евакуирани.
За овој инцидент е покрената кривична истрага, бидејќи причината за пожарот останува нејасна.
