Портпаролот на Стејт департментот Метју Милер денеска изјави дека се неосновани обвинувањата дека Израел врши геноцид врз Палестинците во Појасот Газа.
Неколку часа пред Меѓународниот суд на правдата во Хаг да ја разгледа тужбата на Јужна Африка против Израел, Милер кажа дека судот „игра витална улога во мирното решавање на споровите“, но дека Израел има право да се брани.
Тој ја повтори американската поддршка за Израел во војната, повикувајќи на повеќе начини за заштита на цивилите и Израел да го почитува меѓународното хуманитарно право.
Тој, исто така, ја осуди запаливата реторика од сите страни.
Во својата тужба, Јужна Африка ги наведе запаливите забелешки на израелските лидери и воени претставници како индикативни за намерата да се изврши геноцид.
