Метео анализа за Славчо Поповски
Овој викенд на Балканот, но и во Македонија ќе биде најстуден досега оваа зима. Ширум Балканот температурите ќе се спуштат и до околу -15 степени во утринските часови. Во Македонија исто така тие ќе се спуштат и под -10 степени.
Студено ќе биде и преку ден, па така максималните дневни температури на многу места ќе се искачат само за неколку степени над нулата, а тие понекаде ќе останат и негативни.
Сепак времето ќе биде стабилно и суво без врнежи. Со оглед на очекуваните температури, наутро очекуваме појава на силен мраз.
Во понеделник и во вторник ни следува нов бран на врнежи од дожд на пониските, и од снег на повисоките места и на планините. Снежната граница понекаде би можела да се спушти и под 1000 метри надморска височина. На повисоките места и на планините се очекува формирње на нова помала снежна покривка.
Ви посакуваме прекрасен викенд каде и да сте почитувани граѓани! И секако, облекувајте се убаво со оглед на тоа дека ќе имаме многу студен викенд.
