Велешки Пашник, 5-годишен Украинец, почина по рутинска операција во градот Лавов. При вадење на два млечни заби под општа анестезија, момчето доживеало срцев удар и било прогласено за клинички мртво.
Лекарите се обиделе да го реанимираат и успеале, а Велес бил префрлен на одделението за интензивна нега, каде лекарите констатирале мозочна смрт и тој поминал 37 дена во кома, објави украинскиот портал Букви.
Неговиот татко со трогателна порака се прости од Велес, пишувајќи „Летај, момче наше, летај, биди наша светлина од небото. Почивај во мир драг наш Лесоњо“.
Операцијата за вадење млечни заби била спроведена во клиниката Ори-Дент во западниот дел на Украина.
„Вработените во стоматолошкиот центар понудија да направат операција за отстранување на млечните заби под општа анестезија. Детето на денот на операцијата давало отпор во операционата сала, одбивало да стави маска, како да ја почувствувало трагедијата што се приближува. Анестезиологот насилно му стави маска пред мојата сопруга која го замоли да престане, но тој не ја послуша и продолжи насилно да ја става маската, по што детето заспа“, изјави Виктор Пашник. Таткото на Велес.
Мајката на Велез потоа ја напуштила операционата сала за да може да се изврши операцијата, а набрзо слушнала гужва.
„Лекарите почнаа да се собираат, а по дваесетина минути пристигнаа две екипи на Брза помош. Директорот на клиниката и кажа на сопругата дека на детето му престанало срцето за време на операцијата и дека лекарите успеале да го реанимираат и Велес бил префрлен во болница.
Таму од докторот дознавме дека ситуацијата е критична и дека е во тешка состојба. Тие рекоа и дека за време на стоматолошката операција нашиот син бил клинички мртов и дека лекарите предолго чекале за да извршат реанимација. По следниот преглед, лекарот констатирал дека мозокот на детето е мртов и дека само апаратите го одржуваат во живот“, додаде Виктор.
Полицијата покрена истрага поради неправилности при операцијата. Главниот обвинет доби затворска казна од три години.
