Генералниот секретар на Обединетите нации, Антонио Гутереш денеска повика да престане „да сe игра со оган“ на границата меѓу Израел и Либан, каде што продолжува конфликтот меѓу милитантната група Хезболах и израелската армија (ИДФ).
„Сериозно сум загрижен поради секојдневната размена на оган што може да предизвика поширока ескалација на конфликтот меѓу Израел и Либан, што сериозно би влијаело на регионалната стабилност“, изјави Гутереш пред новинарите.
Тој додаде дека десетици илјади луѓе во северен Израел и јужен Либан биле принудени да ги напуштат своите домови поради борбите меѓу ИДФ и Хезболах.
„Длабоко сум загрижен за тоа што се случува. Морам да ја пренесам оваа едноставна и директна порака до сите страни: Престанете да играте на сината линија, деескалирајте ја ситуацијата и престанете со непријателствата во согласност со резолуцијата 1701 на Советот за безбедност“, рече генералниот секретар на ОН.
