Американскиот секретар за одбрана Лојд Остин денеска беше пуштен од болница по две недели поминати таму по операцијата откако му беше дијагностициран рак на простата, соопшти Пентагон.
Се очекува Остин да работи од дома додека закрепнува.
На 22 декември, Остин (70) беше примен во Националниот воено медицински центар Волтер Рид, каде што беше опериран, откако претходно беше откриен рак на простата при рутински скрининг.
Една недела подоцна добил инфекција и бил хоспитализиран на 1 јануари, кога завршил на интензивна нега.
Претседателот Џозеф Бајден и високи претставници на американската администрација не беа информирани за хоспитализацијата на Остин до 4-ти јануари, а Остин ја чуваше својата дијагноза во тајност до 9-ти јануари.
Бајден рече дека Остин погрешил, но нагласи дека се уште има доверба во својот секретар за одбрана.
