Медисон Марш е официјална Мис Америка 2024. Убавицата од Колорадо влезе во историјата како првата активна офицерка на воздухопловните сили која се натпреварувала за титулата и ја освоила.
Поручничка на воздухопловните сили и дипломиран правник на Харвард победи 50 други натпреварувачки за да го освои првото место на изборот за убавина што се одржа во Флорида.
Таа е првата активна офицерка од која било гранка на војската што ја претставува Организацијата Мис Америка на национално ниво.
Иако призна дека не знае да танцува и пее, Марш одржа говор во кој го опиша својот прв соло лет на 16-годишна возраст. Таа рече дека тоа и помогнало да ги развие и зајакне своите лидерски вештини.
Таа нагласи дека ќе продолжи да ја користи својата платформа за да разговара со младите девојки за служењето во војска и да ги разбие стереотипите за жените во војската.
Таа исто така изјавила дека сака да ја подигне свеста и да започне истражување за ракот, со оглед на тоа што нејзината мајка починала од рак на панкреасот.
