Растенијата во затворен простор го збогатуваат просторот, но помалку е познато дека можат да бидат многу опасни по здравјето на луѓето, особено на децата. Соковите од одредени растенија, кои се популарни кај нас, може да предизвикаат слепило, опаѓање на косата или сериозно оштетување на бубрезите. Она што е алармантно е дека најранливи се децата, за кои и малите количества отров можат да бидат многу фатални.
Дифенбахија: Декоративно растение кое е многу застапено во многу наши куќи, станови и канцеларии. Тоа е омилено растение во затворен простор, но многу опасно. Ако се излиже само парче од листот, се јавува силна болка во усните. Ако сокот од ова растение влезе во очите, предизвикува слепило. При бришење прашина на листот може да се појави црвенило и чешање на кожата.
Хортензија: Грмушка со дрвенести стебла на која растат назабени овални лисја и големи сферични цветови кои можат да бидат бели, розови и разни нијанси на црвено. Може да порасне до четири и пол метри во висина. Цветот може да предизвика стомачни болки дури и неколку часа по неговото јадење. Покрај тоа, чести симптоми се повраќање, чешање на кожата, слабост и потење. Некои податоци, исто така, покажуваат дека јадењето цветови од хортензија може да предизвика кома, епилептични напади и неправилен проток на крв. За среќа, постои противотров.
Фламингов цвет(Anthurium): Тропско растение со специфичен облик со темнозелени листови во облик на срце и месести и претежно црвени цветови. Јадењето делови од ова растение може да предизвика чувство на печење во устата, кое со текот на времето отекува и создава меурчиња. Отровот влијае и на гласот што може да го зарипне. Сето ова може да доведе до екстремно болен оток и изгореници во дигестивниот систем, а може да доведе и до задушување.
Фикус: Исто така познат како дрвото на Бенџамин, фикусот е многу вообичаено украсно растение, но неговите лисја содржат млечен сок кој е отровен. Постојат околу 800 подвидови на фикус, а речиси сите видови во контакт со кожата предизвикуваат оток и чешање. Доколку дојде до труење, неопходно е да се посети лекар кој ќе препише нешто за алергии и воспаленија.
