Вицепремиерот за економски прашања, Фатмир Битиќи на својот профил на социјалните мрежи реагираше на последната прес-конференција на пратеникот од ВМРО-ДПМНЕ Драган Ковачки.
„ВМРО ДПМНЕ е се уште без идеја, без основен концепт за развој и раст, а очигледно е дека веќе ја губат и „креативата“ во однос на беспредметните напади: почнале и да ги рециклираат. Но со рециклирани лаги нема да станете прогресивна партија, туку напротив…ќе останете тоа и што сте: гробари на демократијата и на иднината на сите наши деца“ пишува Битиќи.
Тој најавува дека ќе го тужи Ковачки за клевета, ако претходно јавно не се извини.
„Се надевам дека Ковачки нема да „дезертира“ од обврската јавно да се извини, во спротивно, ако првиот пат се воздржав од тужба за клевета, сега тоа со задоволство ќе го направам.
П.С. Државната комисија за спречување на корупцијата уште пред година и пол не утврди потреба за отворање постапка за злоупотреба на функција или искористување на било какво влијание, мое или на било кој друг, во однос на тоа што невладини организации добиле странски, а не владин грант“ стои во објавата на Битиќи.
