Германскиот тенисер Александар Зверев го одигра својот најдобар меч во последните неколку години против Шпанецот Карлос Алкараз (3:1 во сетови, 6:1, 6:3, 6:7/2 и 6:4). ) во денешното четвртфинале на првиот сезонски гренд-слем турнир Австралија Опен и се пласира во полуфиналето, каде ќе излезе на мегдан со Русинот Данил Медведев. Втората полуфинална двојка ќе биде дуелот меѓу првиот светски рекет и актуелен бранител на трофејот во Мелбуерн, Србинот Новак Ѓоковиќ и Италијанецот Јаник Синер.
На почетокот од дуелот меѓу Зверев и вториот светски рекет Алкараз кој дојде со амбиции да ја прекине доминацијата на десеткратниот победник во Мелбурн, Ѓоковиќ, се виде дека Шпанецот нема ден. Германецот беше во елемент и за три часа игра му го распипа сонот на Алкараз да игра финале со Ѓоковиќ во Мелбурн. Првиот сет Зверев го доби со 6:1, во вториот со 6:3, а третиот во тајбрејк му припадна на Алкараз 6:7. Мечот беше решен во четвртиот сет кој му припадна на Зверев со 6:4.
