Бидејќи акциите на Тесла паднаа за 13 отсто, откако компанијата објави дека не работи во согласност со проценките за приходите во изминатиот период, нето вредноста на нејзиниот директор и сопственик Илон Маск е намалена за повеќе од 17 милијарди евра, објави денеска Форбс.
Сепак, Маск останува најбогатиот човек на светот.
Форбс забележува дека падот уследил по извештајот за заработката на компанијата за четвртиот квартал, кој ги промашил проценките, при што приходите за периодот биле 23,6 милијарди евра, и покрај очекувањата за 23,81 милијарди евра.
Акциите на американските производители на електрични автомобили Rivian и Lucid исто така паднаа за еден и шест отсто
Според Форбс, Маск, кој поседува околу 21 отсто од Тесла, останува најбогатиот човек во светот со проценета нето вредност од 187 милијарди евра, што е сепак околу 18,4 милијарди евра повеќе од Бернард Арно од LVMH.
Маск имаше 295 милијарди евра во ноември 2021 година и е првиот човек во историјата што достигнал толкава нето вредност.
