Љубителите на фудбалот во Грција во иднина ќе мора да ја користат владината апликација за дигитална идентификација на своите мобилни телефони за да купуваат билети за натпреварите. Тоа е една од мерките за борба против насилството во спортот што ги принуди фудбалските клубови да ги затворат стадионите за навивачите на два месеци, до 12 февруари. Наредбата дојде по смртта на полицаецот кој беше погоден со факел за време на навивачките немири во Атина минатиот месец.
Грчкиот министер за спорт Јанис Врузис во грчкиот парламент треба да ги претстави деталите за новите правила за продажба на билети. Други мерки што ги планира Владата се задолжителна забрана за пристигнување на конкретни навивачи по насилни инциденти, задолжително поставување на камери за надзор на стадионите и национален регистар на членови на фудбалски навивачки клубови.
-Досега не успеавме да го направиме она што е очигледно – да ги идентификуваме луѓето кои влегуваат на стадионот. Со помош на мобилен телефон може автоматски да се провери личната карта на лицето со билетот. Никој нема да влезе на стадион без мобилен телефон – изјави министерот за државната телевизија викендов.
Владата на Грција соопшти дека новиот систем на билети ќе наликува на електронските карти за бордирање што се користат на аеродромите.
