Одржувањето здрав црн дроб е од суштинско значење за општата благосостојба и нормалното функционирање на телото. Како и со многу други органи, постојат одредени намирници кои имаат позитивно или негативно влијание врз функционирањето на црниот дроб.
Ова се намирници кои лошо влијаат на здравјето на црниот дроб и треба што помалку да ги консумираме. Храната богата со рафинирани шеќери, нездрави масти и адитиви го оптоварува и негативно влијае на здравјето на црниот дроб. Прекумерното консумирање на храна што спаѓа во оваа категорија, како брза храна, чипс и слатки, може да доведе до замастен црн дроб и воспаление.
Алкохол
Честото и долгорочно консумирање алкохол често е причина за оштетување на црниот дроб. Прекумерното консумирање на различни алкохолни пијалоци може да доведе до состојби како алкохолен хепатитис, фиброза и цироза на црниот дроб, пренесува „Health Shots“.
Храна со висока содржина на натриум
Преработената и солена храна придонесува за задржување на течности и го зголемува крвниот притисок, што потенцијално доведува до проблеми со црниот дроб. Може да се појават компликации, како што се безалкохолни масни заболувања на црниот дроб.
Транс масни киселини
Транс мастите може да се најдат во пржената и преработената храна. Тие го зголемуваат нивото на лошиот холестерол, промовираат воспаление и го влошуваат здравјето на црниот дроб. Корисно е да ги замените со поздрави масти како што е маслиновото масло, пренесува „Health Shots“.
Црвено и преработено месо
Прекумерното внесување на црвено месо и производи од месо, како сланина и колбаси, е поврзано со воспаление на црниот дроб и зголемен ризик од развој на рак на црниот дроб. Како поздрава алтернатива, се препорачува луѓето да избираат посни извори на протеини, како што се пилешко и лосос.
