Со 55 гласови „за “ од вкупно 61 прусутен пратеник Собранието ги изгласа измените на Законот за игри на среќа и за забавните игри, кој беше предложен од Владата со европско знаменце. Опозициската ВМРО-ДПМНЕ пред почетокот на денешната седница бараше овој предлог-закон да биде симнат од дневен ред, бидејќи сметаат дека постојат сомнежи за криминал во лотарија, а европското знаменце е злоупотребено. Нивното барање не помина.
За овој Закон имаше низа реакции од организаторите на игри за среќа – кои не ги предомислија пратениците. Последниот повик од нив е упатен до претседателот на државата Стево Пендаровски, од кого е побарано да не го потпишува за да не влезе во сила. Законот се предвидува објектите за игри на среќа да бидат оддалечени не помалку од 500 метри од основните и средните училишта, со цел да се заштити младата популација од лоши и несоодветни навики. Во рок од една година обложувалниците и автомат клубовите треба да ги преселат деловните простории на оддалеченост најмалку 500 метри од училиштата.
