Владата на Израел ги одобри плановите за изградба на повеќе од 3.400 нови еврејски населби на окупираниот Западен Брег. Околу 70 отсто од домовите ќе бидат изградени во Маале Адумим, источно од Ерусалим, а останатите во блиските Кедар и Ефрат, јужно од Витлеем. Министерот рече дека изградбата е одговор на палестинскиот напад во близина на Маала Адумим пред две недели, во кој загина едно лице, а двајца тешко беа повредени. Палестинската управа ги осуди плановите, за кои се вели дека се први такви одобренија од јуни 2023 година.
Израел изгради околу 160 населби каде живеат околу 700.000 Евреи откако ги окупираше Западниот Брег и Источен Ерусалим, земја што Палестинците ја сакаат како дел од идната држава, во војната на Блискиот Исток во 1967 година.
Огромното мнозинство од меѓународната заедница смета дека населбите се нелегални според меѓународното право, иако Израел го оспорува тоа.
Израелската организација против населување „Мир сега“ одговори на овие планови: „Наместо да гради иднина на надеж, мир и безбедност, израелската влада го отвора патот за нашето уништување“. Тие додадоа дека овие проекти ќе имаат негативно влијание врз можноста за решение со две држави на израелско-палестинскиот конфликт.
Министерството за надворешни работи на палестинската управа со седиште на Западниот Брег ги осуди и новите планови и изјавите на Смотрич. Решението е ништовно и нелегитимно од самиот почеток, тоа претставува експлицитна покана за продолжување на спиралата на насилство и војни“, се вели во соопштението.
Американскиот државен секретар Антони Блинкен изрази разочарување од одлуката и изненади многу набљудувачи со изјавата дека САД ги сметаат населбите нелегални, враќајќи се на позицијата што ја смени администрацијата на поранешниот претседател Доналд Трамп во 2019 година.
„Долгогодишната американска политика под републиканската и демократската администрација беше дека новите населби се контрапродуктивни за постигнување траен мир“, изјави тој за новинарите во Аргентина. „Тие, исто така, не се во согласност со меѓународното право. Нашата администрација цврсто се противи на проширувањето на населбите. И според наше мислење, тоа само ја ослабува, а не ја зајакнува безбедноста на Израел“.
Во извештајот на „Мир сега“ во јануари се вели дека има „невиден пораст на активноста на населување“ на Западниот Брег од почетокот на војната во Газа, предизвикана од терористичките напади на Хамас во Израел на 7 октомври. Западниот Брег, исто така, доживеа зголемување на насилството во истиот период.
ОН соопштија дека најмалку 413 Палестинци, членови на вооружени групи и цивили, се убиени во инциденти поврзани со конфликти на Западниот Брег, вклучувајќи го и Источен Ерусалим, или во Израел од октомври. Убиени се и 15 Израелци, меѓу кои и четворица припадници на безбедносните сили.
