Бројот на загинати од неухранетост и дехидрација во Појасот Газа се искачи на 25, по смртта на уште две жртви, меѓу кои и едно дете, објави во саботата Министерството за здравство на Газа.
– Двомесечно женско бебе почина во болницата Камал Адван во северниот дел на Газа поради неухранетост и дехидрација, а уште едно 20-годишно лице почина во медицинскиот комплекс Ал-Шифа – се наведува во соопштението на Министерството.
Објавената бројка на загинати ги одразува само оние кои стигнале до болниците, се вели во објавата.
– Зголемениот број жртви на неухранетост и дехидрација е крајно загрижувачки и потврдува дека гладот во северниот дел на Газа достигна смртоносни нивоа – се додава во соопштението.
Израел започна деструктивна воена кампања во Појасот Газа како одговор на нападот на палестинската група Хамас на 7 октомври, во кој Тел Авив рече дека убиле помалку од 1.200 луѓе.
Оттогаш се убиени најмалку 30.960 Палестинци, а повеќето од 2,3 милиони жители се раселени, а многумина гладуваат среде хуманитарната катастрофа што се зголемува.
