Џон Барнет, поранешен вработен во Боинг, кој зборуваше за проблемите со производството во компанијата, е пронајден мртов и се верува дека извршил самоубиство, соопштија властите во Јужна Каролина. Барнет (62) работел во Боинг 32 години, до 2017 година и зборувал за проблемите со производството во компанијата. Тој почина од очигледна самонанесена прострелна рана, потврди во вторникот судскиот совет од округот Чарлстон. Полицијата отвори истрага. Боинг изрази жалење за неговата смрт и сочувство до неговото семејство и пријателите. Неговиот адвокат Брајан Ноулс не ја коментираше веста за неговата смрт, но изјави за Corporate Crime Reporter дека Барнет бил во процес на сведочење во тужба за протекување информации поврзани со производството на 787 Dreamliner. Барнет зборуваше за медиумите по инцидентот на 5 јануари во авион Боинг 737 МАКС 9 на кој дел од трупот му падна среде лет, изложувајќи ги патниците на надворешен воздух и принудувајќи го авионот да изврши итно слетување. Боинг последователно западна во голема криза во врска со стандардите за безбедност и квалитет. Неговото производство беше ограничено од американските регулатори, па испораките во секторот беа одложени.
