Германија ги исфрли своите први испораки на помош со падобран за Газа, откако им се придружи на другите земји во хуманитарна мисија за населението на загрозената палестинска територија.
Четири тони ориз, брашно и други прехранбени производи беа фрлени од воен транспортен авион Ц-130 Херкулес над северниот дел на Појасот Газа.
Следната испорака е закажана за недела.
„Од височина од околу 1.000 метри, испорачавме четири палети со врвна прецизност“, објави германското воздухопловство на X.
Германскиот министер за одбрана Борис Писториус во средата даде зелено светло за мисија во Појасот Газа.
Германија испрати два авиони Ц-130 стационирани во Франција во регионот.
Секој може да носи до 18 тони товар, а ќе оперира од областа на Јордан, која исто така започна испораки со падобрани од воздух.
Во иницијативата учествуваат САД и Франција.
