Витамините и минералите се од витално значење за правилното функционирање на телото. Многумина од нас ги добиваат со здрава, урамнотежена исхрана, но понекогаш може да имаме недосттиг на одреден витамин или минерал. Без разлика на причината, важно е да се забележат симптомите кои укажуваат на тоа. Ако недостигот на витамини не се лекува, може да доведе до сериозни здравствени проблеми. Еве пет од најчестите знаци на недостаток на есенцијални витамини и минерали.
Заматен вид
Овој симптом може да биде знак за недостиг на витамин А, кој се наоѓа во лиснатиот зелен зеленчук како спанаќ и брокула и зеленчук како моркови и слатки компири. Витаминот А го зајакнува имунолошкиот систем и е важен за здравјето на очите, па неговиот недостиг може да се манифестира со заматен вид или отежнато гледање при слаба осветленост.
Болка во коските и мускулите
Витаминот Д помага во апсорпција на калциум, што значи дека чувството на слаби и болни коски може да биде показател за ниско ниво. Мускулната болка исто така може да сигнализира недостиг на витамин Д бидејќи игра важна улога во обезбедувањето на нашите мускули да работат ефикасно.
Кршлива, сува коса
Кршливата и сува коса, како и проретчената коса, може да бидат предизвикани од недостиг на цинк бидејќи фоликулите на нашиот скалп слабеат поради недостиг на овој минерал. Овој минерал може да се најде во месото, рибата и млечните производи, но како и сите други хранливи состојки на оваа листа, може да се земе и како додаток.
Мозочна магла
Мозочната магла и губењето на меморијата всушност можат да бидат предизвикани од недостиг на витамини од групата Б кои се наоѓаат во протеините и лиснатиот зелен зеленчук. Витаминот Б ги поддржува когнитивните функции, така што неговиот недостиг може да влијае на нашите ментални способности.
Слаби заби и инфекции на непцата
Витаминот Ц игра важна улога во нашата орална хигиена, особено кога станува збор за спречување на болести на непцата. Недостатигот на витамин Ц може да доведе до зголемен ризик од инфекции на непцата и послаби заби. Може да се најде во храна како што се агруми, пиперки и брокула.
Ако сте загрижени за потенцијален недостиг на витамини и минерали, треба да разговарате со вашиот матичен лекар.
