Македонскиот фудбалски репрезентативец Стефан Ашковски од редовите на ерменскиот Алашкерт, ќе ги пропушти двата контролни натпреаври кои „црвено-жолтите“ ќе ги одиграат утре и впонеделник со соодветните селекции на Молдавија и Црна Гора во турскиот туристички центар Анталија. Причина за неиграњето на Ашковски е повреда на скочниот зглоб поради која 32-годишниот бек не тренираше со тимот за време на мини-подготовките во турскиот туристички центар. По неколкуте тестови, утврдено е дека тој, сепак, не е подготвен за настап и треба да продолжи со физикалната терапија, но во својот клуб. Ашковски има 28 настапи за македонската репрезентација за која дебитираше во 2015 година.
