Најпознатата скијачка двојка, Американката Микаела Шифрин и Норвежанецот Александар Аамод Килд, во петокот на Инстаграм објавија фотографии од Инсбрук каде најдобрата скијачка на светот го покажува свршеничкиот прстен.
Датумот на венчавката сè уште не е објавен, но 31-годишниот Килд ги известил своите следбеници дека се уште е рано да се зборува за тоа и дека веројатно ќе се случи кога тој малку ќе се смири, па веројатно ќе поминат уште неколку години“.
Најдобриот светски скијач и норвешкиот специјалист за брзи дисциплини се во романтична врска од мај 2021 година.
Инсбрук стана вториот дом на Килд, откако во јануари годинава доживеа тежок пад пред самиот финиш на спустот во Венген, Швајцарија, а во овој австриски град се опоравува од операциите на десната потколеница и левото рамо. Шифрин по несреќата побрзала да биде во болница со партнерот, иако била сред лов на нови трофеи.
„Во тешките моменти станува јасно кој ве сака и се грижи за вас“, рече 31-годишниот Норвежанец кој се уште е во процес на опоравување, при што стана јасно колку му значи врската со Шифрин.
„Се разбира, имаше многу подеми и падови, а еден од најважните моменти беше блискоста со моето семејство, а особено со Микаел“, откри Килд во интервју.
„За време на мојот престој во болницата во Инсбрук, си реков дека дојде часот. Се јавив и го нарачав прстенот. Значи, се верив“, додала Килд.
Последиците од падот во Венген беа толку сериозни што Килд размислуваше за можниот крај на својата скијачка кариера. Сепак, неговите фанови и љубителите на скијањето можат да бидат спокојни, бидејќи Норвежанецот најави враќање.
Ќе се вратам, чувствувам дека е можно и реално“, објави норвешката телевизија НРК.
„Имам 31 година и тоа е некако најдобрата возраст. Можам да се натпреварувам до 40 години, но сега морам да блескам. Затоа морам да се вратам и повторно да си ја пробам среќата“, додаде Килде кој беше севкупен победник на Светското првенство во сезоната 2019/2020.
За жал, ниту Микаела Шифрин не помина без повреди, но, за разлика од нејзиниот вереник, успеа да се врати на патеката пред крајот на сезоната и со триумфи во последните два слалома, во шведскиот Аре и австрискиот Залбах, го подобри апсолутниот рекорд до 97. победа во трките за Светскиот куп. Шифрин сега има 11 победи повеќе од легендарниот Швеѓанец Ингемар Стенмарк, а се очекува таа да стане првата во историјата која ќе достигне трицифрен број на победи на Светските првенства.
Но, падот на спустот во Кортина д’Ампецо и повредата на коленото ја спречија 29-годишната Американка да ја заврши сезоната со освојување на шестиот Голем кристален глобус, иако имаше голема бодовна предност во моментот на падот. Отсуството на Шифрин од трките во клучниот дел од сезоната го искористи Швајцарката Лара Гут Бехрами и ѝ го украде трофејот за најдобра скијачка минатата сезона.
