Ливерпул по шокантниот пораз од Аталанта (0:3) во ЛЕ, е изненаден на „Енфилд“ и од Кристал Палас (0:1) во 33. коло од англиската фудбалска Премиер лига, по што го губи чекорот во трката за титулата. Ливерпул е третопласиран со 71 бод, исто колку што има и Арсенал со натпревар помалку, а актуелниот првак и лидер Манчестер сити има два повеќе (73 бода) пред конкурентите. Кристал Палас успеа да ги издржи сите напади на „Енфилд“ и да забележи многу голема победа во борбата за опстанок. Се наоѓа на 14. позиција со 33 бодови. Стрелец на победничкиот гол беше Ебреци Езе во 14. минута.
