Илјадници животни загинаа вчера во пожар во голем објект за гоење свињи во регионот Алтмарк во Саксонија-Анхалт во северно-централна Германија. Пожарникарите првично соопштија дека во пожарот загинале околу 20.000 свињи.
Според претставникот на областа Салцведел во регионот Алтмарк, обично има околу осум прасиња по маторици. Според информациите спасени се 5.200 маторици и 35.000 прасиња. Ангажирани се вкупно повеќе од 210 пожарникари, соопшти локалната окружна управа.
Напорите за гаснење на пожарот најверојатно ќе продолжат во текот на викендот, рече Инга Оте-Соненшајн, шеф на канцеларијата за правни и окружни работи. Во пожарот, рече таа, уништена е околу една третина од одгледувалиштето за свињи.
