Денешните натпревари во англиската фудбалска премиерлигашка конкуренција ја разрешија дилемата кој се сели во Чемпионшип заедно со Шефилд Јунајтед. Барнли по само една сезона се враќа во Чемпионшип дивизијата откако беше поразен на гостувањето кај Тотенхем со 2:1 (1:1), додека на прагот на Чемпионшип е и Лутон, кој во Лондон беше поразен и од Вест Хем со 3:1 (0:1). Ако Нотингем Форест освои барем бод во дуелот со Челзи, на коло пред крајот и Лутон ќе биде отпишан од Премиер лигата. За Тотенхем мечот со Барнли беше важен и поради битката за петтата позиција која води во Лига Европа. Тотенхем се изнамачи за да ги освои бодовите протв Барнли. Гостите водеа од 25.минута со голот на Јакоб Брун Ларсен. Тотенхем изедначи во 32. минута преку Педро Поро, а победата им ја донесе Мики ван де Вен во 82. минута. На стадионот на Вест Хем, Лутон имаше сè во свои раце по првите 45 минути. Од шестата минута имаше предност на Локонга. Сепак, Вест Хем подоцна успеа да воспостваи контрола на теренот и да постигне три гола. Стрелци беа на Ворд-Проуз во 54. минута, Соучек во 66. минута и Ерти во 77. минута. Кристал Палас како гостин славеше кај Вулвс со 3:1, додека дуелот меѓу Њукасл и Брајтон заврши без победник (1:1).
