Вселенската компанија на милијардерот Џеф Безос, Blue Origin, објави дека ќе ги продолжи летовите во вселената почнувајќи од 19 мај, по проблемите на летот пред помалку од две години.
Следниот лет на Blue Origin ќе биде седми со луѓе во ракети лансирани од Западен Тексас, објави Блумберг.
Blue Origin планира да го стори тоа по лансирањето на ракетата New Shepherd на 19 декември, со задача да спроведе серија експерименти на границата на вселената.
Многу од нив требаше да бидат извршени по лансирањето на ракетата во септември 2022 година, кое заврши неуспешно, кога ракетата почна да отстапува од планираниот курс набргу по полетувањето.
Blue Origin лансира речиси 20 години и ги започна своите први експерименти за НАСА во 2019 година, а ги лансираше првите патници до работ на вселената во 2021 година, вклучувајќи ги Безос и неговиот брат.
Компанијата, која се смета за иден клучен стратешки ривал на СпејсX на Илон Маск, исто така гради џиновска ракета од орбитална класа и има за цел да испрати луѓе на Месечината подоцна оваа деценија, забележува Блумберг.
