Македонскиот репрезентативен голман Столе Димитриевски ги минал медицинските прегледи во Валенсија и потпишал договор со шпанскиот фудбалски ла-лигаш, обелодени познатиот италијански новинар Фабрицио Романо. Димитриевски важи за еден од најдобрите голмани во шпанската Ла-лига. Играчот веќе ги минал медицинските прегледи, а и ставил потпис на договор кој ќе трае до јуни 2028 година. Во Валенсија тој доаѓа како замена за грузискиот голман Мамадаршвили кој гледа кон Премиер лигата. Грузиецот има понуда од Њукасл, но уште ништо не е договорено. Столе Димитриевски имаше одлични настапи во Рајо Ваљекано, а стана и голман со најмногу настапи во историјата на клубот.
