„Договорот од Преспа е жив доказ дека и најтешките спорови можат да се решат кога лидерите го даваат приоритетот на поголемото добро пред сè. Тоа го одбележа историскиот момент кога конфликтот беше трансформиран во соработка со визија за хармонична иднина“ напиша поранешниот премиер Зоран Заев на социјалните мрежи од отворањето на Меѓународната конференција за мир и одржлив развој.
Тој додаде дека Фондацијата Заев и Институтот Алексис Ципрас се посветени на негувањето на вредностите кои се во основата на Договорот од Преспа со мисија да се промовира мир, да се унапреди одржливиот раст и да се поттикне средина каде што се слуша секој глас.
„Пораките за добредојде на Венко Филипче и Евангелос Калпадакис, во името на Фондацијата Заев – едно општество за сите и на Институтот Алексис Ципрас потсетија дека лидерите не ги одложуваат и не им ги оставаат проблемите на идните генерации, туку наоѓаат решенија и отвораат нови страници“ напиша Заев.
