Во последното деноноќие, вкупно имало 15 пожари на отворено и сите се изгаснати. Активни нема.
Опасен беше шумскиот пожар што изби вчера попладне во атарот на крушевското село Пуста Река. Доби опасни димензии и се приближи близу до селото поради што на помош на крушевските пожарникари во координација на ЦУК беа испратени два полициски хеликоптера нс МВР. Се дејствуваше брзо и силно со силите коишто беа на располагање.
Благодарение на пожарникарите, месното население и двата полициски хеликоптери пожарот е ставен под контрола пред 19 часот вчера и потоа и целосно беше изгаснат.
Опожарена беше квалитетна борова шума, на еден хектар и ниска вегетација два 2 хектара.
