Горештините можат да бидат исклучително опасни за нашите миленици, па затоа е неопходно да ги слушате советите на експертите пред да се упатите на прошетка со вашето куче.
Пред да излезете од дома за да се прошетате со вашиот миленик, би било добра идеја да направите тест за да бидете сигурни дека миленикот ќе се чувствува удобно и безбедно за време на летните горештини.
За време на силното сонце, тротоарите се загреваат исклучително брзо и често се многу потопли од воздухот што го дишете. Затоа, пред вашето куче да стапне на бетонот, треба да проверите дали е премногу топол за неговите шепи. Тоа ќе го направите така што ќе ја ставите дланката на бетонот 7 секунди – ако дланката почне да ве пече, тоа значи дека и неговите шепи ќе го печат.
Имено, ако температурата на воздухот е 25 степени, температурата на асфалтот е 52 степени. За време на топол ден како денешниот, кога живата во термометарот надминува 35 степени, температурата на асфалтот достигнува и до 65 степени.
Изберете поладно време од денот за да одите на прошетка. На овој начин спречувате не само повреди на шепите на кучето, туку и можен срцев удар.
Одете на прошетка во утринските или вечерните часови, а ако понекогаш се случи кучето едноставно да мора да излезе надвор во текот на денот кога е најжешко, држете се до тревните површини кои не ја задржуваат топлината како бетонот.
