Наместо ние да речеме „алал да му е“ ние велиме „е од каде му се сега парите“. Вака премиерот Хртистијан Мицкоски одговори на прашање за задолжувањето кон Унгарија, во интервју за телевизија Телма.
Запрашан дали како во примерот со други држави, унгарскиот премиер Виктор Орбан доставил и други барања за заемот, Мицкоски не даде конкретен одговор.
Една од првите одлуки на премиерот Мицкоски и неговата Влада беше задолжување кон Република Унгарија.
Владата донесе одлука да земе заем од унгарските банки во висина од 250 милиони евра со каматна стапка од 3,25 проценти и овие пари треба да завршат како кредити за бизнис секторот.
За задолжувањето да се реализира во Собранието ќе треба да се донесе посебен закон.
Државата многу ретко се задолжува кај друга држава, а најпознат пример на такво задолжување беше пред десеттина години кога тогашната Влада се задолжи кон Република Кина, но тогаш за да се изградат автопатите Кичево-Охрид и Миладиновци-Штип.
