Два автомобили опожарени денеска пред синагога во јужна Франција предизвикаа експлозија во која е повреден еден полицаец, соопштија властите.
Министерот за внатрешни работи Жералд Дарманин го нарече инцидентот во близина на синагогата Бет Јаков во Ла Моте на јужниот француски брег „очигледно криминален чин“.
Тој рече дека „се користат сите средства за да се пронајде сторителот“.
И Дарманин и премиерот Габриел Атал ќе заминат денеска во тој град.
Ла Моте, кој има околу 8.500 постојани жители, е популарно приморско одморалиште и го посетуваат повеќе од 100.000 туристи секоја година.
Претходно овој месец, Дарманин рече дека владата регистрирала 887 антисемитски дејствија во Франција во првата половина на 2024 година, речиси трипати повеќе отколку во истиот период во 2023 година.
