САД заедно со Египет и Катар, посредуваат во постигнувањето конечен договор „земи или остави“ меѓу Израел и Хамас, што ќе им биде претставен на конфликтните страни во наредните недели, објавија денеска американски медиуми.
„Вашингтон пост“ ја пренесува оценката на неименуван висок функционер на американската администрација дека доколку двете страни не го прифатат тој обид за постигнување договор, тоа може да значи крај на преговарачкиот процес што го водат САД.
Официјални лица во администрацијата на американскиот претседател Џозеф Бајден изјавија дека не е веднаш јасно дали најновото откритие на безживотните тела на шесте заложници ќе ја направи повеќе или помалку веројатно Израел и Хамас да постигнат договор во наредните недели.
„Не можете да продолжите да преговарате за ова. Тој процес мора да заврши во одреден момент“, рече неименуваниот висок американски функционер, додавајќи дека САД, Египет и Катар работат на конечен предлог.
Бајден и неговите соработници поминаа неколку месеци неуморно обидувајќи се да ги натераат Израел и Хамас да договорат што ќе овозможи ослободување на преостанатите живи заложници во замена за палестинските затвореници и привремен прекин на огнот во Газа за кој се надеваа дека ќе ги постави темелите за траен крај на војната.
