Премиерот Христијан Мицкоски објави на својот фејсбук профил дека присуствувал на традиционалниот Фестивал на велешка пита и вино „Питијада 2024“, кој го одржува Велес. Овој фестивал е познат како вистинска гурманска симфонија од вкусови, каде се слават богатата култура и гастрономијата на регионот.
„Вечерва присуствував во Велес, каде што се одржува традиционалната Питијада, настан кој ја прославува богатата култура и гастрономија на нашиот регион. Оваа вечер е посветена на заедништвото и споделувањето на уникатни вкусови. Традиција која продолжува!“, напиша Мицкоски на својот профил.
Фестивалот „Питијада 2024“ претставува собир на љубители на локалната храна и вино, каде што посетителите имаат можност да уживаат во специјалитетите што ги нуди Велес и поширокиот регион.
