Судот за човекови права во Стразбур денес, точно во 10 часот, ќе ја соопшти одлуката за тоа дали важат аболициите на експретседателот на Македонија, Ѓорге Иванов, дознава „Макфакс“ од извори во правосудните органи.
Oдлуката ќе биде јавна, објавена на интернет-страницата на ЕСЧП. Со ова, по шест години, ќе се затвори прашањето дали обвинетите во четири случаи на СЈО може да одговараат кривично за дела со кои се опфатени во предметите, а дел и осудени.
Жалбата до Стразбур е поднесена во 2017 година, а во која се посочува дека еднаш дадена аболиција не може да биде отповикана.
Доколку на 16 февруари Стразбур каже дека оваа теза е точна, осудените ќе треба да бидат ослободени. Во спротивно, ако Стразбур одлучи дека аболициите може да бидат отповикани, тогаш сите обвинети ќе подлежат на кривична одговорност.
Во жалбата се опфатени случаите поврзани со предметот за масовното прислушување и уништувањето на опремата – „Таргет – Тврдина“, предметот за изборни нерегуларности – „Титаник“, предметот за злоупотреба при организирање превоз на ученици во Битола – „Транспортер“, како и предметот за уривањето на објектот „Космос“, наречен ТНТ.
Но, не се опфатени сите обвинети лица, туку само дел.
