Објавена е снимка од разговорот со полицијата на која актерот Алек Болдвин дознава дека снимателката Халина Хачинс не преживеала. Тој тоа го дознава од двете полицајки кои го интервјуираат.
Болдвин ја застрела снимателката Хачинс (42) во октомври минатата година додека, како што изјавил, вежбал со пиштолот за кој верувал дека е безбеден.
Актерот, кој беше и продуцент на филмот, претходно изјави дека не го повлекол чкрапалото и дека нема поим како вистински куршум завршил на сетот.
На снимката објавена вчера се гледа како полицијата и брзата помош брзаат на местото на настанот. Во другите видеа, Болдвин, облечен како каубој, вежба со пиштол.
Објавата доаѓа седум дена откако властите ги осудија продуцентите на филмот за кршење на безбедносните протоколи и ги казниле со 136.793 долари. Истрагата на Одделот за животна средина во Ново Мексико покажа дека креаторите на филмот „искажале рамнодушност кон опасностите поврзани со употребата на огнено оружје на сетот“.
