Кандидатот за градоначалник на општина Карпош, Душко Весковски денес заедно со тимот – колеги од ЈП Водовод и канализација – Скопје, трчаше на Виз Ер Скопски Маратон.
„Поддршката и учеството на спортски манифестации, како и присуството на многу спортисти и млади лица на истите, само ни потврдува дека сме на вистинскиот пат во однос на нашите планирани активности и проекти поврзани со спортот во нашата предизборна програма за општина Карпош. Карпош ФИТ – младинската програма и зголемувањето на спортските активности во училиштата за децата се само дел од сето тоа што ќе биде реализирано. Маратонот го истрчавме, продолжуваме да трчаме за најдоброто за Карпош. Спортски поздрав! – истакна Душко Весковски, кандидат за градоначалник на општина Карпош.
Членовите на тимот на ЈП Водовод и канализација – Скопје оваа година учествуваат во три дисциплини на Виз Ер Скопски Маратон – трка 5км, 21км и штафета.
-Со позитивна енергија, силна волја и добра кондиција го истрчавме и овогодинешниот Скопски Маратон и покажавме уште еднаш дека сме екипа која е подготвена за секој предизвик. Навистина сум среќен и со позитивни импресии од денешната дружба. Спортски поздрав, посочи Весковски.
