Советникот на украинскиот министер за внатрешни работи Антон Герашченко потврди дека била нападната ТВ-кулата во Киев, што веројатно ја спречило неговата работа.
Не е јасно дали кулата била директно погодена, а локалниот ТВ канал 1 + 1 соопшти дека работат на враќање на сигналот.
1На социјалните мрежи протекуваат снимки од наводниот напад на ТВ кулата во Киев. На снимката, чија автентичност ја потврди и Би-Би-Си, се гледа кулата висока 385 метри погодена (најверојатно од проектил).
Киев Индипендент објави дека украинските ТВ канали престанале да се емитуваат пред неколку минути.
Eyewitnesses post footage of explosions near the TV tower in #Kyiv. pic.twitter.com/gcsHPVusiW
— Misha Komadovsky (@komadovsky) March 1, 2022
Руското Министерство за одбрана издаде предупредување до жителите на Киев дека се подготвува за напад врз цели во главниот град на Украина, јавува Би-би-си. Во соопштението објавено попладнево руските власти најавија дека нивните сили се подготвуваат да извршат напади со висока прецизност врз технолошките центри на украинската служба за безбедност.
„Ги повикуваме граѓаните на Украина, кои националистите ги користат за провокации против Русија, како и жителите на Киев што живеат во близина на радиокомуникациските станици, да ги напуштат своите домови“, се додава во соопштението.
Официјални лица тврдеа дека нападите се со цел да спречат информациски напади врз Русија.
The second explosion at the #Kyiv TV tower#Ukraine #UkraineWar #Russia #UkraineInvasion #UkraineRussiaWar pic.twitter.com/lTyZbuZFBI
— Ukraine War SitRep 🇺🇦 (@UKRWarSitRep) March 1, 2022