Менаџерот на Манчестер Јунајтед, Оле Гунар Солскјер изјави дека нема намера да го замени Давид Де Хеа, иако неговите смешни грешки, кои доведоа до голови во последните натпревари на тимот.
– Дали ќе го менувам Де Хеа? Не, сигурно нема, бидејќи верувам во Давид. За мене тој е најдобар играч кој Јунајтед го имал во последните 6-7 години. Беше неверојатен. Преминувањето низ тешки периоди е дел од кариерата на фудбалерите, па Давид ќе биде добро. Дали тоа се должи на одложувањето на неговиот нов договор? Тоа е нешто со кое треба да се справиш како фудбалер. тоа е нормална ситуација. Давид доаѓа секој ден и го прави она што треба, прокоментира Солскјер на прес-конференцијата пред натпреварот со Челзи.
Тој зборуваше и за другата ѕвезда на тимот со неизвесна иднина – Пол Погба.
– Ништо не може да се гарантира во фудбалот, но да – мислам дека Пол ќе биде тука. Тој сака да жнее успеси со Манчестер Јунајтед. Пофалбите при победа и критиките при пораз? Ова се едноставно стандардите, кои тој ги наметнува. Кога тој создава шанси, бележи голови и дава се од себе, тогаш е добар. Сите гледаат на Пол и се прашуваат дали може тој да се справи подобро, но тој е фантастичен за нас. Тој исто така е човечко суштество и сите ние сме исти. Сакаме да игра добро За нас тој е лидер во соблекувалната и на теренот. Дали можам да гарантирам дека ќе остане овде? Колку што знам, тој ќе биде тука, додаде тој
