Американските власти се обидуваат да го обвинат основачот на „Викиликс“, Џулијан Асанж, за шпионажа за што може да му биде изречена смртна казна, објави „Викиликс“ на „Твитер“.
„Американското Министерство за правда се обидува против Џулијан Асанж да изгради случај врз основа на Законот за шпионажа. Според тој закон, осудата може да биде смртна казна“, тврди „Викиликс“.
Асанж го основа „Викиликс“ во 2006 година за да објавува доверливи информации за активностите на владите во повеќе земји, меѓу кои и САД.
Тој се најде на насловните страници во 2010 година кога објави видео под назив „Колатерално убиство“ на кое се гледа како американската војска убива 18 луѓе, меѓу кои двајца новинари на „Ројтерс“, од хеликоптер во Ирак.
Тој објави и доверливи воени и дипломатски документи на САД за војните во Авганистан и Ирак во јули и октомври 2010 година. Подоцна таа година беше уапсен во Велика Британија откако Шведска издаде меѓународна потерница за негово апсење поради обвиненија за силување.
Асанж беше ослободен со кауција во декември 2010 година, а во мај 2012 година Врховниот суд на Велика Британија пресуди дека тој треба да биде екстрадиран во Шведска. Тогаш Еквадор му одобри азил во својата амбасада во Лондон, каде што Асанж помина седум години.
Тој беше уапсен овој месец откако му беше поништена одлуката за азил
