Вицепремиерот за европски прашања Бојан Маричиќ денеска ќе биде домаќин на неговите хомолози од Ирска и Финска, Томас Бирн и Тити Тупураинен со кои ќе оствари работна средба, по што ќе следува заедничка прес-конференција.
– Во фокусот на разговорите ќе биде пристапниот процес на Северна Македонија во Европската Унија, новиот француски предлог, дијалогот со Бугарија, како и унапредувањето на билатералната соработка и односите во регионот, соопшти Кабинетот на Маричиќ.
Во рамки на официјална посета на Скопје, ирскиот министер за европски прашања Томас Бирн и министерката за европски прашања на Финска, Тити Тупураинен ќе остварат средби и со претседателот на државата Стево Пендаровски и министерот за надворешни работи Бујар Османи, по што делегациите ја продолжуваат својата мини турнеја на Западен Балкан во соседна Албанија.
