Во моментов на тацна да ти даваат власт во Македонија без избори треба да одбиеш, ако си нормален, изјави претседателот Стево Пендаровски во интервју на ТВ 21.
-Имаме една мултиплицирана криза. Заради војната во Украина имаме проблеми со енергија, со високи цени на производи, претходно наши делби и парламентарни блокади, и ова е капак на се. Имаме ситуација дека кога на тацна да ти даваат власт сега во Македонија без избори треба да одбиеш, ако си нормален – рече Пендаровски.
Воедно, тој упати совет за сите оние политички партии кои се против францускиот предлог.
-Да земат во предвид што ќе биде подобро за државата, бидејќи ако мислиш само на следни избори, ти можеш да добиеш позиција утре, не на лево на десно, и обратно. Ама повторно ќе се вратиме на прашањето што е планот потоа. На следни избори владата ќе падне, со новото мнозинство што правиме со ЕУ? Сега ти си власт, јас опозиција, дали ќе ме викнеш? Јас се сомневам – вели Пендаровски.
