Војвотката Меган Маркл (37) вчера, на 6 мај, роди момче во 5:26 часот потврди кралското семејство на својот профил на социјалните мрежи. Момчето е тешко 3.200 грама.
„И двајцата сме апсолутно воодушевени и благодарни на сите што нè поддржуваат. Беше неверојатно и сакавме да го споделиме со вас“ рече принцот Хари (34) и додаде дека сѐ уште не знаат кое име ќе му го дадат на својот син.
Prince Harry says wife Meghan Markle, Duchess of Sussex, and baby boy are doing "incredibly well." He added, "It has been the most amazing experience I could ever possibly imagine. " https://t.co/aAwPRaA2CB pic.twitter.com/YQCwa2ytUo
— CBS News (@CBSNews) May 6, 2019
Според британските обложувалници повеќето Англичани се обложија на името Алберт чиј коефициент е 1,33, потоа на Артур со коефициент од 2,55, а потоа следуваат Александар, Џејмс, Филип, Луис, Хенри, Фредерик, Томас и Едвард.
Најголема добивка на вложените пари ги очекува оние што уплатиле за имињата Томас и Едвард чиј коефициент е 20.
Името Алберт добро котира на британските обложувалници уште од последната бременост на Кејт Мидлтон (37) и е популарно име во британското кралско семејство. Причината за тоа е што уште од бракот на кралицата Викторија и принцот Алберт во 1840 година, ова име се појавува во секоја генерација на семејството.
Алберт, пак, во превод значи „благороден”, а ако Меган и Хари така го наречат синот, ќе му оддадат почит на починатиот татко на кралицата, Алберт „Берти” Фредерик Артур Џорџ.
