Елтон Џон конечно излезе на сцената за да ја продолжи турнејата Farewell Yellow Brick Road со настап во Њу Орлеанс речиси две години откако го прекина патувањето низ светот поради Ковид-19 и операција на колкот.
Британската легенда ја продолжи својата турнеја по речиси двегодишна пауза со настап во „Смути кинг“ центарот во Њу Орлеанс во средата, 19 јануари.
Ова беше првиот целосен концерт на легендарниот рокер откако настапи на стадионот „Вестерн Сиднеј“ во Сиднеј, Австралија на 7 март 2020 година. Тогашната турнеја, која започна во Алентаун, Пенсилванија на 8 септември 2018 година, течеше според планот околу година и пол пред да биде исфрлена од колосек поради пандемијата.
А во средата, Џон (74), роден Реџиналд Кенет Двајт изгледаше енергично кога тој и неговиот бенд ја изведоа почетната нумера Bennie And The Jets, како отворање на концертот.
