Американската армија објави во вторникот дека стратешките бомбардери „Б-52 стратофортрес“ ќе бидат распоредени на Блискиот Исток како одговор на тоа што в.д. секретарот за одбрана, Патрик Шанахан, ги нарече индикации за веродостојна закана од силите на иранскиот режим, пренесува „Спутник“.
Централната команда на САД објави фотографии од бомбардерите Б-52Х доделени на 20-та експедитивна бомбашка ескадрила што пристигна во областа на одговорност на ЦЕНКОМ.
Претходно, Пентагон објави видео кое прикажува четири нуклеарно способни бомбардери Б-52 што полетале кон Блискиот Исток.
Леталата „Стратофортрес“ ја напуштија воздухопловната база „Барксдејл“ во Луизијана во вторникот и се упатија кон воздухопловната база „Ал Алеид“ во Катар.
Во неделата, советникот за национална безбедност, Џон Болтон, го најави распоредувањето на УСС Абрахам Линколн и оперативната бомбашка единица во регионот на Централнта Команда на САД, со намера да испрати порака до Техеран.
Иран го нарече овој потег чин на психолошка војна.
