Организаторите на синдикалната иницијатива „67 е премногу” во Хрватска синоќа на полноќ објавија дека собрале повеќе од 600.000 потписи за распишување референдум, со цел да се спречи зголемувањето на старосната граница за заминување во целосна пензија на 67 години.
Тоа на прес-конференција го соопшти Мирела Бојиќ, национална координаторка на Иницијативата „67 е премногу”.
– Им благодариме на сите граѓани кои го дадоа својот потпис за оваа иницијатива. Им благодариме на младите, пензионерите… луѓето ги бараа нашите штандови, преминуваа од еден во друг дел на градот за да го дадат својот потпис. И младите и старите и оние во средни години сфатиле колку е ова важно за сите нас, за цела наша држава и иднината на сите нас, истакна Бојиќ.
Синдикалната иницијатива „67 е премногу” на 27 април на полноќ во центарот на Загреб почна со собирање потписза распишување референдум заизмена на Законот за пензиско осигурување, со цел да се спречи зголемување на границата за заминување во пензија на 67 години.
